ودي ابكي .....

أحلى تحية لاهل الهمس والاحساس
ادري اني طولت لكن ازين ما في الموضوع
اني لقيت فيه اقلام جديدة تجنن
الله يعطيكم العافيةجميع..

*****************************



ودي ابكي
لو مافي سبب
لكن غصب
ودي ابكي
واحكي ....
عن الي صار لي في بعدك
وانا احكي .. ودي ابكي

عيت تنزل دموعي
وعيت العبره تفارق ضلوعي
وخانتني الخطوة
في مفرق رجوعي
وأنا للآن....
ودي ابكي



فقدت بغيبتك طفل بداخلي عايش
فقدت ابياتي الذهبية
وتصرفات الفتى الطايش
فقدت الاحساس بالوجع
وبالتالي عجزت ابكي
لكن ودي ابكي



دموع تمسكت
باطراف الجفون وتكدست
وخدود ترجي مطرها
طوّل عطشها وتيبست
وجروح ما داواها الزمن
ما توانت ما نست
وهموم تقاوت على ضعفي
وفي حضن بعض ارتمت
وعيون أقوى من المر
رغم قهري ما بكت
ليتني ارتاح
ودي ابكي



وقفت على آخر حدود الألم
وحاولت أداوي جرح
وبيدي .. قلم
وكتبت في أوله آسف
وفي آخره ندم
وتذكرت ان الحقيقة
في عالم العشق
اكبر وهم
وقتها عرفت
ليش انا ما ابكي
لكن ما زلت
ودي ابكي