هل انتا دلخ

موضوع: هل انتا دلخ الأربعاء يناير 09, 2008 3:41 am

بسم الله

هلا والله
كيفكم انــشــالله تمــام ؟؟
المهم ماطول عليكم
تبي نعرف كانك دلخ والا لأ
اقر وقرر بنفسك
بس بشرط الي يصير دلخ يعلمنا

نـــبـــداء / إذا شفت واحد من الشباب وقف سيارته آخر الليل جنب بابهم وفتح باب السيارة بسرعة واخذ كم حجر معه عشان يطارد له ( قطو) كان واقف قدام بابهم فأبصم بالعشرة ان المذكور أعلاه دلخ .

2/ إذا شفت واحد من الشباب في السوق مضبط الشخصية وكاشخ وقاعد يلاحق وحدة تسحب وراها 3 أو 4 من عيالها وعلى كتفها شايله بعد طفل والحبيب وراها من محل الى محل يبغى الحبيب يرقم ويغازل بنات الناس
(ونسي ان عنده في البيت حريم وأخوات ) فهذا والعياذ بالله دلخ مستدلخ وهذا النوع خطير على الحياة الفطرية .

3/ إذا شفت واحد من ها الشباب الي يتابع أرقام خط الصداقة الدولي ويقعد يتصل عليهم وبعد من دلاختة حتى الأنجليزي ما يعرف منه ألا كم كلمة ويتميلح بالساعات عشان الخواجيات يضحكون على دقن الي جابه وأخر الشهر إذا جات الفاتورة يلاقي ذاك المبلغ المحترم صاكينة شركة الاتصالات بعدها الحبيب يسوي جمعية ( قطة ) مع زملائه عشان يسدد فاتورة الدلاخة وهذا النوع دلاختة مؤقتة تزول بمجرد الزواج .

4/ إذا كفلت واحد كفالة غرم واداء لدى شركة تقصيد لواحد من الأصحاب مطلع ليكزس قيمته فوق 200 ألف ريال وراتبه 4000 ريال وراتبك ماهو ببعيد عنه كله عشان يكشخ على جماعته وعيال عمه واصحابه ويتميلح في الأسواق على حسابك طبعاً
ويحط رجلة ما يسدد ويجيك مندوب الشركة بورقة إلقاء قبض أما التسديد وآلا ابو زعبل ( السجن ) وقتها وقف قدام المراية واصفق اللي قدامك بكف وقول بكل فخر دلـــلخ مع سابق الإصرار والترصد
وقتها نقول بئس الدلخ والمستدلخ ( الشاري والكفيل ) .

أما قمة الدلاخة
فهي ان ترسل لك وحد ة مزيونة بالحيل وشعرها طويل من ها البنيات ذيك الرسالة على بريدك وتكتب لك إنها معجبة فيك وتقعد طول الليل وأنت قدام المراية تلمع في سنونك الصفر الي فرشة الأسنان عمرها ما قد مرت من جنبها وبعد كم شهر من التسحيب على وجهك تتضح ان البنت الحلوة واحد من ها الثيران الشباب اللي ساقط في الكفاءة 7 سنوات وحط عصارة فكرة النير في تسحيبك
وقتها اعرف انك قد بلغت قمة هرم الدلاخة والله يعينك على المحشات من أصحابك

موضوع: رد: هل انتا دلخ الأحد يناير 20, 2008 12:38 pm

مشكوووووووووووووووووووووووور بس ما قيدي